IPL Sunrisers Hyderabad Cricket Team

  జట్టు సమష్టిగా రాణిస్తే సారథ్యం వహించడం మరింత సులభమవుతుంది. ప్రస్తుతం సన్‌రైజర్స్‌ హైదరాబాద్‌ అన్ని విభాగాల్లో సమతూకంగా ఉంది. చివరి రెండు మ్యాచుల్లోనూ పిచ్‌ది ఒకే విధమైన పరిస్థితి. కోట్లాలో బంతిని బాదడం అంత సులువు కాదని తెలుసు. దిల్లీతో మ్యాచ్లో 140 నుంచి 150 పరుగుల లక్ష్యం ఉంటే ఛేదనకు కాస్త శ్రమించాల్సి వస్తుందనుకున్నాం. ప్రణాళిక ప్రకారం ప్రత్యర్థిని అంతలోపే కట్టడి చేశాం. తర్వాత బ్యాటింగ్‌లో మా బ్యాట్స్‌మెన్‌ బెయిర్‌స్టో అద్భుతంగా ఆడాడు. 28 బంతుల్లో 48 పరుగులు చేసి జట్టుకు శుభారంభం ఇవ్వడంతో పాటు విజయానికి బాటలు వేశాడు. అయితే ఈ మ్యాచ్‌లో టాస్‌ గెలవడం చాలా కీలక పాత్ర పోషించింది. దిల్లీ బ్యాటింగ్‌ చేసే సమయంలో పిచ్‌ ఎలా స్పందిస్తుందో పరిశీలించాం. అలా చేయడం వల్ల లక్ష్యాన్ని ఛేదించేందుకు మాకు బాగా ఉపయోగపడింది’ అని భువనేశ్వర్‌కుమార్‌ తెలిపాడు